مي كساب: "عاوزة أبقى أحسن واحدة في العالم من غير غل وحقد"

وجهت الفنانة مي كساب، رسالة لأصدقائها بالوسط الفني بسبب أعمالهم الرمضانية التي يشاركون بها في موسم ٢٠٢٦.
وقالت مي كساب : "طب عاوزة أقول حاجة قبل ما أنام ورزقي على الله طبعا المنافسة حلوة وطبعا بحب نفسي وطبعا عاوزة أبقى أحسن واحدة في العالم بس من غير غل وحقد وتمني الشر والأذى للغير وبغير طبعا بس غيرة شريفة مش زي شريفة".
وتابعت: "طبعا لو شفت حاجة حلوة لازم أقول برافو وأفرح لغيري خصوصا لو كان موهوب وشقيان طول عمره عشان يوصل للي وصله وبأقدر جدا اللي بيقدرني وبفرح جدا للي بيفرحلي في الآخر كلنا بيطلع عينينا وبنشقى ونتعب عشان خاطر نفرح الجمهور ونبسطهم".
وأضافت:"مبروك لكل زمايلي اللي بحبهم من قلبي على شغلهم ودايما ربنا يكرمنا ونعمل فن راقي فيه متعه للجمهور ونبقى دايما لسان  الشعب وحالهم".
يذكر أن مي كساب تخوض دراما رمضان ٢٠٢٦ بمسلسل "نون النسوة" ويشاركها البطولة الفنانة هبة مجدي وعدد من الفنانين.